Abih Paluru
Tanggal 27 August 2012
“Iyo juo kecek den kapatang tu
kan? Kalau pamiliahan walikota diundur, bisa abih paluru deknyo. Karano
pasiapan hanyo untuak bateh wakatu tatantu, kini kanyataannyo
dipapanjang,” kato Mak Pono.
“Abih bana paluru, kan ndak ado untuang ruginyo di awak doh. Manga Mamak cameh bana?” Tanyo Kari Garejoh.
“Wak den bukan cameh, cuma ibo se mancaliak. Sajak satahun ko lah di bibia tapi cawan. Raso-sraso memang awak nan ka manang, sahinggo baabih-abih bana. Dipasang spanduk jo baliho banyak-banyak, dipasang iklan jo barita tiok hari di koran. Nah mano tau beko, memang awak nan dinanti urang untuak parang, samantaro paluru lah sayuik,” baitu tanggapan Mak Pono.
“Tapi bak kecek-kecek kapatang, saluruh urang nan ka parang tu pasti manyadiokan banyak paluru sarato cadangan. Kalau indak, tantu tagak se bandera putiah lai,” sambuang Kari.
“Abih bana paluru, kan ndak ado untuang ruginyo di awak doh. Manga Mamak cameh bana?” Tanyo Kari Garejoh.
“Wak den bukan cameh, cuma ibo se mancaliak. Sajak satahun ko lah di bibia tapi cawan. Raso-sraso memang awak nan ka manang, sahinggo baabih-abih bana. Dipasang spanduk jo baliho banyak-banyak, dipasang iklan jo barita tiok hari di koran. Nah mano tau beko, memang awak nan dinanti urang untuak parang, samantaro paluru lah sayuik,” baitu tanggapan Mak Pono.
“Tapi bak kecek-kecek kapatang, saluruh urang nan ka parang tu pasti manyadiokan banyak paluru sarato cadangan. Kalau indak, tantu tagak se bandera putiah lai,” sambuang Kari.
“Harusnyo urang-urang ko mancaliak angin
dulu, ndak Mak? Indak diabihan se paluru dulu doh. Iko lawan alun
nampak, nan badia lah mangkatutuih bunyinyo. Bisuak urang ka mamulai,
nan awak lah tasanda se di bawah batang kayu indak badaun,” Mangecek
pulo Udin Kuriak.
“Nyo jalan iduik ko lah diatur dari samaso awak dalam kanduangan mah Din. Si anu ka manjadi pajabaik, si anu ka manjadi walikota, bupati, gubenur atau mantari jo presiden bagai, lah sudah skenarionyo. Awak ko tingga manapek-i se lai. Kalau memang nan lah abih paluru tu ditakdirkan manjadi walikota, nyo ka jadi juonyo,” baitu komentar Uncu Labai.
“Iyo lo mah. Mudah-mudahan nan lah banyak manembak salamo ko, masih banyak paluru untuak parang bisuak ko. Karano, nan parang basosoh sampai kini alun lai,” hanyo itu nan bisa dikatoan Mak Pono sambia mampaelok-i duduaknyo.
“Kok dapek parang bisuak tu iyo parang sportif andaknyo Mak. Sia nan manang harus jo caro-caro elok, sasuai aturan nan lah ado. Ijan ado nan main galia. Baitu juo nan kalah, musti maakui kamanangan lawan. Ijan dicari-cari pulo kasalahan lawan tu,” mangecek pulo Tacin Barain.
“Eh, Cin. Untuak manang tu iyo babagai caro di tampuah,” semba Inyiak Kurai nan lah tibo dari kampuangnyo.
“Oh, Inyiak ruponyo, bilo tibo? Lai ndak macet jalan?” Tanyo Tacin.
“Kok jalan di hari lebaran ko pasti macet. Cuma den kamari lai indak macet bana doh, dek lai malam hari,” jawek Inyiak.
“Makonyo pacapeklah jalan tol tu lai Nyiak!” Sorak Udin.
“Eyayay, kalau den nan manjadi angku palo, itu den prioritaskan mah. Karano tiok libur jalan ka kampuang den tu macet. Ijankan lebaran, di hari sabtu se, lah macet juo,” hanyo itu komentar Inyiak.
“Hahahahaha, antah bilo Inyiak ka bisa jadi angku palo. Jadi katua erte se indak dapek. Banyak pitihnyo untuak manjadi angku palo tu mah Nyiak. Harus bagoni-goni pitihnyo. Ibarat ka parang tadi, musti ado paluru agak sapuluah gudang,” potong Mak Pono sambia galak. (eSPe St.Soeleman)
“Nyo jalan iduik ko lah diatur dari samaso awak dalam kanduangan mah Din. Si anu ka manjadi pajabaik, si anu ka manjadi walikota, bupati, gubenur atau mantari jo presiden bagai, lah sudah skenarionyo. Awak ko tingga manapek-i se lai. Kalau memang nan lah abih paluru tu ditakdirkan manjadi walikota, nyo ka jadi juonyo,” baitu komentar Uncu Labai.
“Iyo lo mah. Mudah-mudahan nan lah banyak manembak salamo ko, masih banyak paluru untuak parang bisuak ko. Karano, nan parang basosoh sampai kini alun lai,” hanyo itu nan bisa dikatoan Mak Pono sambia mampaelok-i duduaknyo.
“Kok dapek parang bisuak tu iyo parang sportif andaknyo Mak. Sia nan manang harus jo caro-caro elok, sasuai aturan nan lah ado. Ijan ado nan main galia. Baitu juo nan kalah, musti maakui kamanangan lawan. Ijan dicari-cari pulo kasalahan lawan tu,” mangecek pulo Tacin Barain.
“Eh, Cin. Untuak manang tu iyo babagai caro di tampuah,” semba Inyiak Kurai nan lah tibo dari kampuangnyo.
“Oh, Inyiak ruponyo, bilo tibo? Lai ndak macet jalan?” Tanyo Tacin.
“Kok jalan di hari lebaran ko pasti macet. Cuma den kamari lai indak macet bana doh, dek lai malam hari,” jawek Inyiak.
“Makonyo pacapeklah jalan tol tu lai Nyiak!” Sorak Udin.
“Eyayay, kalau den nan manjadi angku palo, itu den prioritaskan mah. Karano tiok libur jalan ka kampuang den tu macet. Ijankan lebaran, di hari sabtu se, lah macet juo,” hanyo itu komentar Inyiak.
“Hahahahaha, antah bilo Inyiak ka bisa jadi angku palo. Jadi katua erte se indak dapek. Banyak pitihnyo untuak manjadi angku palo tu mah Nyiak. Harus bagoni-goni pitihnyo. Ibarat ka parang tadi, musti ado paluru agak sapuluah gudang,” potong Mak Pono sambia galak. (eSPe St.Soeleman)
Tidak ada komentar:
Posting Komentar